Í síðasta Neytendablaði var fjallað um matjurtarækt og framboð á garðlöndum til leigu fyrir almenning.  Þar sem athugun samtakanna var gerð snemma árinu höfðu mörg sveitarfélög ekki enn tekið ákvörðun um verð og þjónustu. Neytendablaðið lofaði því að birta úttektina á heimasíðu Neytendasamtakanna um leið og málin yrðu skýrari.

Upplýsingar um garðlönd til leigu sem Neytendasamtökin fengu frá sveitarfélögum og fleiri þjónustuaðilum má sjá í töflu:  Matjurtagarðar (PDF).  Athugið að þetta er ekki tæmandi könnun og engin samanburður er birtur, enda er stærð garðlanda og þjónustan mjög misjöfn milli aðila.  Ef fleiri aðilar vilja bætast á listann eru þeir hvattir til að senda Neytendasamtökunum línu á netfangið ns@ns.is.

Í greininni sem birtist í síðasta Neytendablaði eru ýmis gagnleg ráð sem þarf að hafa í huga við ræktun matjurta. Sjá:  Ræktaðu garðinn þinn (PDF).