Hendur kjósa
Stjórn Neytendasamtakanna hefur ákveðið að árgjald samtakanna skuli vera óbreytt í ár og hvetja fyrirtæki og önnur samtök að gera sitt til að tryggja lágt og stöðugt verðlag.
Aðalfundur Neytendasamtakanna, sem haldinn var í október síðastliðnum beindi því til fyrirtækja og forsvarsmanna hagsmunasamtaka atvinnulífsins að hækka ekki vöruverð til neytenda vegna tímabundinna hækkana hrávöruverðs og flutningstruflana af völdum kórónuveirufaraldursins. Þess í stað gætu þau hagrætt, lækkað álögur og dregið úr arðsemiskröfum.
Í því ljósi og til að leggja sitt af mörkum til stöðuleika verðlags, hefur stjórn Neytendasamtakanna ákveðið að félagsgjald í ár skuli vera óbreytt frá því í fyrra, eða 6.500 krónur árið 2022. Samhliða eru allir, sem þess eiga kost, hvattir til að ganga í samtökin þar sem árgjaldið er tekjustólpi þeirra; Því fleiri félagsmenn, þeim mun öflugri starfsemi.
Hægt er að ganga í Neytendasamtökin hér: www.ns.is/skra
