Þjónusta Lögmannsstofu Reykjavíkur stóð til boða gegn árangurstengdri þóknun, þ.e. ekkert var greitt nema árangur næðist í innheimtu á hendur viðkomandi banka. Þannig greiddi lántaki sem óskaði þjónustu Lögfræðisstofu Reykjavíkur ekkert gjald, nema ef mál vinnist. Þóknun Lögfræðistofu Reykjavíkur nam 20% af fjárhagslegum ávinningi hans af málalokum þ.e. af heildarfjárhæð sem innheimt verður. Neytendasamtökin fá 10% af þóknun LR (2 prósentustig) til að standa straum af kostnaði sínum. Engin þóknun er greidd ef engin árangur verður af innheimtunni. Þó er þóknun aldrei lægri en innheimtuþóknun eða málskostnaður sem lánveitanda er gert skylt að greiða samkvæmt dómi. Ef höfða þarf dómsmál til þess að innheimta kröfuna og til þess að slíta fyrningu, er samið sérstaklega um það. Til að koma í veg fyrir fyrningu mögulegrar endurkröfu er hægt að skjóta málinu til Úrskurðarnefndar um viðskipti við fjármálafyrirtæki. Kostnaður vegna þess (málskotsgjalds og umsýslu) er kr. 15.000, en málskotsgjaldið fæst endurgreitt falli mál að hluta til eða öllu leyti málskotsaðila í vil.
Þetta vefsvæði er kostað af árgjöldum félaga í Neytendasamtökunum.
Ef þú ert ekki þegar í samtökunum biðjum við þig að íhuga að ganga í þau. Árgjaldið er 7.900 kr.
