Laganemi óskast

Ertu forvitin/forvitinn/forvitið? Viltu hjálpa fólki? Viltu hoppa beint út í djúpu laugina og fá góða þjálfun í að leysa raunveruleg lögfræðileg vandamál neytenda? Viltu fá frábæra reynslu sem er góð viðbót á ferilskrána þína?

Neytendasamtökin óska eftir að ráða laganema í hlutastarf sem hægt er að sinna með námi. Æskilegt er að þú getir hafið störf sem fyrst.

Starfið m.a. felur í sér lögfræðiþjónustu við leigjendur og neytendur ásamt öðrum tilfallandi verkefnum. Um er að ræða hlutastarf á skrifstofu samtakanna í Reykjavík.

Í boði er spennandi og fjölbreytt starf á sviði neytendamála og neytendaréttar með frábærum hópi fólks.

Við sjáum fyrir okkur að þú hafir …

• lokið grunnnámi í lögfræði og stundir meistaranám í lögfræði,
• reynslu af eða þekkingu á neytendarétti,
• mjög gott vald á íslensku og ensku, í rituðu og mæltu máli,
• góða skipulagshæfileika, félagslyndi og sýnir frumkvæði.
• Þá væri reynsla af stjórnsýslustörfum eða sambærilegu starfi kostur.

Við bjóðum þér…

• skemmtilegan vinnustað,
• fjölbreytt, raunveruleg verkefni,
• sveigjanlegan vinnutíma og skilning á prófönnum,
• handleiðslu reyndra lögfræðinga
• og frábæra reynslu á ferilskrána.

Sendu inn umsókn til Brynhildar Pétursdóttur, framkvæmdastjóra á netfangið brynhildur@ns.is merkt „Umsókn um starf laganema“. Brynhildur veitir allar nánari upplýsingar um starfið. Umsóknarfrestur er til og með 5. febrúar.