Fréttir

Óheimilar verðhækkanir Tripical

Neytendastofa hefur birt ákvörðun í máli gagnvart ferðaskrifstofunni Tripical sem varðar verðhækkanir  á pakkaferðum.

Ferðaskrifstofan tilkynnti útskriftarnemendum um hækkanir á útskriftarferðum í maí sl. með þeim rökum að eldsneytisverð hefði hækkað. Neytendasamtökin töldu að viðbótargjald ferðaskrifstofunnar uppfyllti ekki öll skilyrði pakkaferðalaga fyrir verðhækkunum. Samtökin bentu því ferðaskrifstofunni á að verðhækkunin væri að öllum líkindum óheimil og sendu auk þess ábendingu á Neytendastofu. Ferðaskrifstofan svaraði ekki erindi Neytendasamtakanna en nú liggur niðurstaðan fyrir; verðhækkunin var óheimil.

Neytendasamtökin hvetja því þá útskriftanemendur sem hafa innt greiðsluna af hendi að setja sig í samband við ferðaskrifstofuna og óska eftir endurgreiðslu.

Hægt er að gera það með því að senda póst á netfang ferðaskrifstofunnar hallo@tripical.com og hafa Neytendasamtökin með í afriti ns@ns.is

Hér að neðan má finna tillögu að slíkum pósti.

Góðan dag.

Ég (nafn), (kennitala) innti af hendi greiðslu að fjárhæð (kr.) þann (dagsetning greiðslu) til Tripical í kjölfar tilkynningar um verðhækkun á ferð minni með ferðaskrifstofunni.

Neytendastofa hefur nú í ákvörðun sinni nr. 19/2022 komist að þeirri niðurstöðu að verðhækkunin hafi verið óheimil og fer ég því fram á fulla endurgreiðslu sem allra fyrst.

Fjárhæðina má leggja inn á eftirfarandi reikning;

(reikningsupplýsingar)

Afrit sent Neytendasamtökunum til upplýsinga.

Vinsamlegast staðfestið móttöku og staðfestingu á endurgreiðslu.

(Nafn)

 Hvað varðar þá nemendur sem ekki hafa greitt umrædda kröfu ráðleggjum við þeim að fylgjast með hvort krafan verði fjarlægð á næstu dögum en ef svo er ekki væri unnt að senda álíka póst á ferðaskrifstofuna og fara fram á að það verði gert.

Fréttir í sama dúr

Frumvarpi um samkeppnisundanþágu afurðastöðva mótmælt

Allt uppi á borðum

Áttu rétt á bótum? – sæktu þær án kostnaðar

Grænþvegnir grísir

Tjón vegna samráðs metið á 62 milljarða króna

Einbeittur síbrotavilji CC bílaleigu ehf.

Bílaleiga lykill bílhurð

Takk fyrir áhugann!

 Þetta vefsvæði er kostað af árgjöldum félaga í Neytendasamtökunum.

Ef þú ert ekki þegar í samtökunum biðjum við þig að íhuga að ganga í þau. Árgjaldið er 7.900 kr.