Neytendasamtökin fagna hugmyndum Bjarna Benediktssonar fjármálaráðherra um að leggja af tolla á fölmörgum vörum, svo sem á fatnaði.
Neytendasamtökin harma að ekki sé um leið afnumdir tollar á öllum matvörum. Ef bæta á stöðu heimilanna með afnámi tolla er það best gert með afnámi tolla á matvörur.
Neytendasamtökin ítreka því að löngu er tímabært að allir tollar verði lagðir af á heimilisvörum.
Að fenginni reynslu er mikilvægt að stjórnvöld tryggi að eftirlit verði varðandi afnám tolla svo tryggt sé að aðgerðin skili sér til neytenda.
