Vintage toned portrait of a young fashionable brunette relaxing by the Mediterranean sea near Athens, Greece, spreading her arms in happiness as she is watching the beautiful horizon over the sea under the bright turquoise blue sky. She is resting in the hot summer day, wearing a knitted sweater and a hat, jeans and a backpack. Retro vintage color graded with film emulation filters, shot in wide letterbox aspect ratio for more horizontal copy space. Tourism, happiness in nature, youth culture concepts.
Neytendasamtökunum bárust í síðustu viku tilkynningar frá félagsmönnum um að Ferðaskrifstofa Íslands, Úrval Útsýn og Plúsferðir hefðu haft samband og farið fram á að þeir greiddu hærra verð fyrir pakkaferðir en áður hafði verið samið um. En vegna kerfisvillu var uppgefið verð á bókunarsíðu fyrirtækjanna lægra en þær höfðu ætlað sér.
Neytendasamtökin höfðu samband við skrifstofurnar sem um ræðir og bentu á að samkvæmt lögum um pakkaferðir beri seljandi ábyrgð á hvers konar skekkjum eða tæknilegum vanköntum í bókunarkerfi. Fulltrúar ferðaskrifstofanna funduðu með Neytendasamtökunum og varð niðurstaðan sú að þeir staðfestu að þeir myndu taka fulla ábyrgð á bókunarkerfisvillunum og draga kröfur um hærra verð til baka.
Neytendasamtökin fagna því að Ferðaskrifstofa Íslands, Úrval Útsýn og Plúsferðir fari í einu og öllu eftir lögum um pakkaferðir og hrósa félögunum jafnframt fyrir að hafa leitað ráða hjá samtökunum. Mega önnur fyrirtæki taka vinnubrögð stjórnenda Ferðaskrifstofu Íslands, Úrvals Útsýnar og Plúsferða sér til fyrirmyndar.
