Fréttir

Göngum hægt um kaupgleðinnar dyr

Framundan er röð tilboðsdaga; einstakradagur, föstudagsfár og netmánudagur. Þá er fólk hvatt til verslunar líkt og verslun sé að leggjast af.

Í kringum þessa kaupgleðidaga berast Neytendasamtökunum jafnan ábendingar um að einhverjar  smávöruverslanir hækki verðið í aðdragandanum til þess eins að lækka það aftur í svokölluðum tilboðum. Samtökin hvetja því til varkárni og að fólk taki myndir eða skjáskot af vöruverði nú og sannreyni að um raunverulegan afslátt sé að ræða þegar afsláttartilboð eru birt. Verslun verður að geta sýnt fram á að hafa selt vörur á því verði sem hún segir vera venjulegt verð. Sé ekki um raunverulegan afslátt að ræða, eða sé afslátturinn minni en efni standa til, hvetja samtökin neytendur til að tilkynna slíkt til Neytendastofu sem hefur eftirlit með viðskiptaháttum verslana.

Um leið og því ber að fagna að  að verslanir geti selt vörur á lægra verði má spyrja sig af hverju lágt verð sé bundið við örfáa daga en gildi ekki árið um kring. Neytendur þurfa að vera meðvitaðir um að þessir dagar eru trommaðir upp af kaupmönnum til að fá neytendur til að versla meira í aðdraganda jólanna, auka veltu og flýta fyrir jólaversluninni.

Stór hluti verslunar er rafrænn og því er ástæða til að benda sérstaklega á réttindi og skyldur sem gilda um kaup á netinu.

Fréttir í sama dúr

Frumvarpi um samkeppnisundanþágu afurðastöðva mótmælt

Allt uppi á borðum

Áttu rétt á bótum? – sæktu þær án kostnaðar

Grænþvegnir grísir

Tjón vegna samráðs metið á 62 milljarða króna

Einbeittur síbrotavilji CC bílaleigu ehf.

Bílaleiga lykill bílhurð

Takk fyrir áhugann!

 Þetta vefsvæði er kostað af árgjöldum félaga í Neytendasamtökunum.

Ef þú ert ekki þegar í samtökunum biðjum við þig að íhuga að ganga í þau. Árgjaldið er 7.900 kr.