Framkvæmdastjórn Evrópusambandsins gaf í dag út leiðbeiningar „til að draga úr áhrifum ástandsins í Mið-Austurlöndum á fluggeirann í Evrópu.“
Meðal lykilþátta leiðbeininganna eru að:
– Flugfélög verða að tryggja gagnsæi í verðlagningu og eru minnt á að birta ávallt endanlegt verð farmiða, sem innifelur alla óhjákvæmilega verðþætti. Flugfélög geta ekki lagt á eldsneytisálag afturvirkt.
– Flugfarþegar halda fullum réttindum sínum sé flugi aflýst. Flugfélag er einungis undanþegið bótagreiðslu, geti það sannað að aflýsing stafi af óvenjulegum aðstæðum, svo sem eldsneytisskorti á staðnum. Framkvæmdastjórnin telur að hátt eldsneytisverð teljist ekki til óvenjulegra aðstæðna.
Neytendasamtökin meta það sem svo að leiðbeiningarnar eigi einnig við um allt flug til og frá Íslandi.
Hér eru leiðbeiningar framkvæmdastjórnarinnar.
Sjá nánar um réttindi flugfarþega hér.
Sjá nánar um réttindi pakkaferðalanga hér.
